ການເຝິກອົບຮົມຫົວຂໍ້
ສະຖາບັນການທະນາຄານ ໄດ້ສຳເລັດຈັດເຝິກອົບຮົມ ໃຫ້ແກ່ ພະນັກງານ ທົ່ວລະ ບົບທະນາຄານ ໂດຍສະເພາະແມ່ນພະນັກງານການນຳ ແລະ ວິຊາການຈຳນວນໜຶ່ງ ໃນ ຫົວຂໍ້ "ຕະຫລາດການທະນາຄານ"ທີ່ ສະຖາບັນການທະນາຄານ ໃນວັນທີ່ 7-10/06/2010.
ໃນການເຝິກອົບຮົມຄັ້ງນີ້ແມ່ນໄດ້ເຊີນອາຈານຜູ້ມີປະສົບການ ຈາກສະຖາບັນການທະນາຄານຫວຽດນາມຄື ຮອງສາດສະດາຈານ ດຣ ນາງ ຫງວຽນທິ້ງຫຽນ ແລະ ມີບັນດາຜູ້ເຂົ້າຮ່ວມມາຈາກຫລາຍພາກສ່ວນ ບໍ່ວ່າຈະເປັນທະນາຄານທຸລະກິດລັດ, ທະນາຄານຮຸ້ນສ່ວນ ແລະ ບັນດາພະນັກງານຄູ-ອາຈານ ຂອງ ສະຖາບັນການທະນາຄານ ເຊິ່ງ ລວມທັງໝົດ ມີ 65 ທ່ານທີ່ໄດ້ເຂົ້າຮ່ວມການເຝິກອົບຮົມຄັ້ງນີ້.
ຈຸດປະສົງຂອງການເຝິກອົບຮົມຄັ້ງນີ້ ແມ່ນເພື່ອ:
- ເພື່ອຍົກລະດັບຄວາມຮູ້ຄວາມສາມາດ ຂອງຂັ້ນຜູ້ບໍລິຫານ, ຫົວໜ້າກົມ, ຮອງກົມ, ຫົວໜ້າສາຂາ, ຜູ້ອຳນວຍການທະນາຄານທຸລະກິດລັດ,ລັດຮ່ວມທຶນ.
- ເພື່ອຖອດຖອນບົດຮຽນ ແລະ ແລກປ່ຽນຄຳຄິດເຫັນຕ່າງໆກ່ຽວກັບຕະຫຼາດການທະນາຄານ.
- ຍົກສູງລະດັບ,ຄວາມຮັບຮູ້ກໍ່ຄືຄວາມສາມາດໃນການເຮັດວຽກຂອງພະນັກງານບໍລິການທະນາຄານ
- ຍົກສູງພາບພົດ, ຄຸນນະພາບການບໍລິການຂອງພະນັກງານທະນາຄານໃຫ້ມີຄວາມເຂັ້ມແຂງ
