ສໍາມະນາ ຫົວຂໍ້ “ ຫຼັກວິຊາຄູ ”
ສະຖາບັນການທະນາຄານໄດ້ຈັດຊຸດສໍາມະນາ ຫົວຂໍ້ “ ຫຼັກວິຊາຄູ ” ພະນັກງານຄູ-ອາຈານ ສທຄ ໃນວັນທີ 13 ກັນຍາ 2018 ເຊິ່ງບັນຍາຍໂດຍ ທ່ານ ປທ ໄກສອນ ທານະວັນ ແລະທ່ານ ຄໍາເຜີຍ ພິພັກຂະວົງ ວິທະຍາກອນຈາກ ຄະນະສຶກສາສາດ ມະຫາວິທະຍາໄລແຫ່ງຊາດ, ເຊິ່ງມີຜູ້ເຂົ້າຮ່ວມທັງໝົດ 51 ຄົນ ຍິງ 24 ຄົນ. ການຈັດສໍາມະນາໃນຄັ້ງນີ້ກໍ່ເພື່ອເປັນການເສີມສ້າງຄວາມຮູ້ກ່ຽວກັບຫຼັກການທີ່ໃຊ້ໃນການສິດສອນໃນພາກປະຕິບັດຕົວຈິງຂອງຄູອາຈານ ສທຄ, ເຊິ່ງນຳໄປສູ່ການພັດທະນາການຮຽນການສອນ ໃນປະຈຸບັນ. ນອກຈາກການຮັບຟັງບັນຍາຍ ແລະແລກປ່ຽນບົດຮຽນນໍານັກວິທະຍາກອນແລ້ວ ຜູ້ເຂົ້າຮ່ວມຍັງໄດ້ແລກປ່ຽນຄວາມຄິດເຫັນເຊິ່ງກັນ ແລະກັນດ້ວຍບັນຍາກາດທີ່ຟົດຟື້ນ ແລະໜ້າປະທັບໃຈ.
.png)
