ຜົນສໍາເລັດການຈັດຝຶກອົບຮົມຫົວຂໍ້: ມາດຕະຖານການສ້າງລາຍງານທາງດ້ານການເງິນ ທີ່ເປັນມາດຕະຖານສາກົນ IFRS (ລະດັບກາງ)
ສະຖາບັນການທະນາຄານໄດ້ສໍາເລັດຝຶກອົບຮົມ ຫົວຂໍ້ “ມາດຕະຖານການສ້າງລາຍງານດ້ານການເງິນທີ່ເປັນມາດຕະຖານສາກົນ IFRS (ລະດັບກາງ)” ໃຫ້ແກ່ພະນັກງານທີ່ມາຈາກບັນດາທະນາຄານທຸລະກິດ, ບັນດາລັດວິສະຫະກິດຕ່າງໆພາຍໃນນະຄອນຫຼວງວຽງຈັນ ແລະ ພະນັກງານຄູອາຈານ ສທຄ ໃນວັນທີ 17-21 ມິຖຸນາ 2019 ໂດຍຄະນະວິທະຍາກອນທີ່ມີປະສົບການ ປະຈຳຫຼັກສູດບັນຊີ ມະຫາວິທະຍາໄລຂອນແກ່ນ ວິທະຍາເຂດໜອງຄາຍ, ມະຫາວິທະຍາໄລ ມະຫາສາລະຄາມ ແລະ ມາຈາກສະພາວິຊາຊີບການບັນຊີ ແຫ່ງປະເທດໄທ, ມີຜູ້ເຂົ້າຮ່ວມທັງໝົດ 23 ຄົນ ຍິງ 16 ຄົນ. ການຈັດຝຶກອົບຮົມໃນຄັ້ງນີ້ແມ່ນເປັນການເສີມສ້າງຄວາມຮູ້, ຄວາມສາມາດໃຫ້ແກ່ນັກສຳມະນາກອນທີ່ມາຈາກພາກສ່ວນຕ່າງໆເພື່ອນຳເອົາບົດຮຽນທີ່ໄດ້ຈາກການຝຶກອົບຮົມໄປໝຸນໃຊ້ເຂົ້າໃນການຈັດຕັ້ງປະຕິບັດວຽກງານເປັນຕົ້ນແມ່ນວຽກງານການເງິນ-ການບັນຊີ, ເຊິ່ງໄດ້ລົງເລິກບາງມາດຕະຖານການສ້າງລາຍງານທາງການເງິນ-ການບັນຊີທີ່ກ່ຽວຂ້ອງ.
