ຝຶກອົບຮົມ ຫົວຂໍ້ “ ເຕັກນິກການແກ້ໄຂໜີ້ທີ່ບໍ່ເກີດດອກອອກຜົນ NPLs ”
ສະຖາບັນການທະນາຄານໄດ້ຈັດຝຶກອົບຮົມ ຫົວຂໍ້ “ ເຕັກນິກການແກ້ໄຂໜີ້ທີ່ບໍ່ເກີດດອກອອກຜົນ NPLs ” ໃຫ້ແກ່ພະນັກງານ ທີ່ມາຈາກບັນດາທະນາຄານລັດ, ທະນາຄານທຸລະກິດຕ່າງໆ ພາຍໃນນະຄອນຫຼວງວຽງຈັນ ແລະພະນັກງານຄູ-ອາຈານ ສທຄ ໃນວັນທີ 6-10 ສິງຫາ 2018 ເຊິ່ງບັນຍາຍໂດຍ ທ່ານ ອາຈານ ສົມເດັດ ເຊຕຸພົນ ຜູ້ທີ່ມີປະສົບການທາງດ້ານການປ່ອຍສິນເຊື່ອເພື່ອທຸລະກິດ SMEs SEAB.Co.,Ltd.(ປະເທດໄທ) ເຊິ່ງມີຜູ້ເຂົ້າຮ່ວມທັງໝົດ 36 ຄົນ ຍິງ 06 ຄົນ. ການຈັດຝຶກອົບຮົມໃນຄັ້ງນີ້ກໍ່ເພື່ອເປັນການເສີມສ້າງຄວາມຮູ້ຄວາມເຂົ້າໃຈໃນຫຼັກຂອງການແກ້ໄຂໜີ້ ແລະເຕັກນິກສະໄໝຕ່າງໆໃນການແກ້ໄຂໜີ້ທີ່ມີບັນຫາ ສາມາດພັດທະນາທັກສະການແກ້ໄຂໜີ້, ການຟື້ນຟູກິດຈະການຂອງລູກຄ້າໄດ້, ສະຖາບັນການເງິນ ແລະທະນາຄານຕ່າງໆ ຈະມີບຸກຄະລາກອນທາງດ້ານການແກ້ໄຂໜີ້ທີ່ມີປະສິດທິພາບຫຼາຍຂື້ນ, ມີທັດສະນະຄະຕິທີ່ດີໃນການແກ້ໄຂໜີ້ ແລະສາມາດດຳເນີນວຽກງານໄດ້ຕາມເປົ້າໝາຍຂອງທະນາຄານ ຊ່ວຍໃຫ້ທະນາຄານບໍລິຫານໜີ້ໄດ້ຢ່າງມີປະສິດທິພາບມີຄວາມສາມາດໃນການສ້າງກຳໄລໄດ້ສູງຂຶ້ນ, ຜ່ານການຮັບຟັງບັນຍາຍຂອງນັກວິທະຍາກອນແລ້ວ ຜູ້ເຂົ້າຮ່ວມຍັງໄດ້ແລກປ່ຽນຄວາມຄິດເຫັນເຊິ່ງກັນ ແລະກັນຕະຫຼອດໄລຍະເວລາ 05 ວັນທີ່ຝຶກອົບຮົມເຫັນໄດ້ວ່າບັນຍາກາດການຈັດຝຶກອົບຮົມຄັ້ງນີ້ມີຄວາມຟົດຟື້ນ ແລະໜ້າປະທັບໃຈ.
