ການນຳ ສທຄ ເດີນທາງໄປຖອດຖອນບົດຮຽນ ກ່ຽວກັບທະນາຄານຈຳລອງ ຢູ່ ສສ ຫວຽດນາມ
ໂດຍປະຕິບັດຕາມ ຂໍ້ຕົກລົງວ່າດ້ວຍການແຕ່ງຕັ້ງພະນັກງານໄປຖອດຖອນບົດຮຽນຢູ່ປະເທດ ສສ ຫວຽດນາມ, ສະບັບ ເລກທີ 437 ລົງວັນທີ 7/06/2011. ວັນທີ 12 ຫາ 14 ເດືອນ ມີຖຸນາ ປີ 2011 ທີ່ຜ່ານມາ ຄະນະສ້າງຕັ້ງ ທະນາຄານຈຳລອງ ຂອງ ສະຖາບັນການທະນາຄານ, ໄດ້ເດີນທາງໄປຖອດຖອນບົດຮຽນກ່ຽວກັບທະນາຄານຈຳລອງຢູ່ ມະຫາວິທະຍາໄລ ດາຍນາມ ປະເທດ ຫວຽດນາມ ໂດຍ ທ່ານ ວົງພະຈັນ ແສງສຸວັນ ຮອງຫົວໜ້າ ສະຖາບັນການທະນາຄານ, ຫົວໜ້າ ຄະນະສ້າງຕັ້ງທະນາຄານຈຳລອງ ເປັນຫົວໜ້າຄະນະຄັ້ງນີ້ .
ຄະນະດັ່ງກ່າວໄດ້ເຮັດວຽກກັບ ຄະນະນຳ ແລະຄະນະຮັບຜິດຊອບວຽກງານທະນຄານ ຈຳລອງ ຂອງ ມະຫາວິທະຍາໄລ ດາຍນາມ ສສ ຫວຽດນາມ www.dnu.edu.vn ເປັນເວລາ 2 ມື້ ໂດຍທັງສອງຝ່າຍໄດ້ ປຶກສາຫາລືກ່ຽວກັບ 2 ບັນຫາຄື:
- ກ່ຽວກັບທະນາຄານຈຳລອງ
- ການຮ່ວມມືການສຶກສາສາກົນ
ການເດີນທາງໄປຖອດຖອນບົດຮຽນໃນຄັ້ງນີ້ ໄດ້ສ້າງຫຼາຍເງືອນໄຂ ພື້ນຖານແຫ່ງການສ້າງຕັ້ງ ທະນຄານຈຳລອງ ຢູ່ ສທຄ ແລະການຮັບຮອງຫຼັກສູດຂອງ ສທຄ ເປັນຫຼັກສູດທີ່ໄດ້ມາດຕະຖານສາກົນ ໃນ 6 ເດືອນທ້າຍປີ2011 ນີ້.
