ຫຼັກສູດ ປະລິນຍາໂທ ການເງິນ-ການທະນາຄານ ສາຂາການເງິນ

1. ຊື່ຫຼັກສູດ

ພາສາລາວ: ຫຼັກສູດປະລິນຍາໂທ ການເງິນ-ການທະນາຄານ ສາຂາ ການເງິນ

ພາສາອັງກິດ: Master of Finance and Banking Program in Finance

2. ຊື່ປະກາສະນິຍະບັດ

ພາສາລາວ:                    ປະກາສະນິຍະບັດປະລິນຍາໂທ ການເງິນ-ການທະນາຄານ ສາຂາ ການເງິນ

ສາຂາ: ການເງິນ

ພາສາອັງກິດ:                  Master of Finance and Banking in Finance

3. ໜ່ວຍງານຮັບຜິດຊອບ         

ພາກວິຊາການເງິນ, ສະຖາບັນການທະນາຄານ ເບີໂທຕິດຕໍ່: 856- 021770916, ແຟັກ: 856 – 770967, 020 22 928 555

4.  ປັດຊະຍາ

            ເພື່ອສ້າງບຸກຄະລາກອນໃຫ້ມີທັກສະ ແລະ ຄວາມຮູ້ຢ່າງເລິກເຊິ່ງທາງດ້ານການເງິນ ເພື່ອໃຫ້ກາຍເປັນນັກວິຊາ ການທີ່ເຂັ້ມແຂງທາງດ້ານຫລັກການວິຊາການ, ສາມາດວິເຄາະປະເມີນຜົນການດໍາເນີນງານ, ການເຮັດທຸລະກໍາທາງການເງິນລວມເຖີງການລົງທຶນຕ່າງໆ, ການພະຍາກອນທາງການເງິນ ແລະ ການຄາດຄະເນແຜນການລ່ວງໜ້າ. ສາມາດປະ ກອບທຸລະກິດໄດ້, ໂດຍນຳໃຊ້ເຕັກໂນໂລຊີ, ການຄົ້ນຄ້ວາວິທະຍາສາດ ເພື່ອຕອບສະໜອງຄວາມຮຽກຮ້ອງຕ້ອງການຂອງການພັດທະນາເສດຖະກິດ-ສັງຄົມ ແຕ່ລະໄລຍະ.

5. ຈຸດປະສົງ

1) ເພື່ອກໍ່ສ້າງນັກຄົ້ນຄວ້າໃຫ້ມີຈັນຍາບັນ, ຈັນຍາທຳ, ຄຸນສົມບັດ ແລະ ກໍ່ສ້າງໄປຕາມແນວທາງຂອງກະຊວງສຶກສາທິການ ແລະ ກີລາ ໂດຍສອດຄ່ອງຕາມເນື້ອໃນຂອງ 3 ລັກສະນະ ແລະ 5 ຫລັກມູນການສຶກສາແຫ່ງຊາດ.

2)      ​ເພື່ອກໍ່ສ້າງນັກຄົ້ນຄວ້າໃຫ້ເປັນນັກວິຊາການທີ່ມີຄວາມເຂັ້ມແຂງທາງດ້ານຫຼັກການ ວິຊາສະເພາະທາງດ້ານການເງິນ ແລະ ສາມາດຄາດຄະເນລະບົບການເງິນໃຫ້ມີຄວາມຊຳນານງານ. ​

3) ເພື່ອກໍ່ສ້າງນັກ​ສຶກສາ​ໃຫ້ເປັນມືອາຊີບ ແລະ ສາມາດວິເຄາະປະເມີນຜົນທາງດ້ານການເງິນທີ່ນຳໃຊ້ເຕັກໂນໂລຊີ ແລະ ການຄົ້ນຄວ້າວິທະຍາສາດ, ສາມາດປະກອບອາຊີບໄດ້.

6. ຄາດຫມາຍຜົນການຮຽນ

1) ດ້ານຄວມຮູ້

- ມີຄວາມຮູ້-ຄວາມເຂົ້າໃຈຢ່າງເລິກເຊິ່ງກ່ຽວກັບການເງິນ ແລະ ຄວາມຮູ້ດ້ານການຄົ້ນຄວ້າໃນຂົງເຂດວຽກງານເງິນໄດ້.

- ເຊື່ອມໂຍງ ຜຸ້ເຂົ້າສຶກສາຄົ້ນຄວ້າທີ່ຮຽນຈົບສາຂານີ້ສາມາດໄປຕໍ່ຍອດການສຶກສາໃນລະດັບທີ່ສູງກວ່າໄດ້.

2) ດ້ານທັກສະ

- ສະແດງ ຜູ້ເຂົ້າສຶກສາຄົ້ນຄວ້າ ສາມາດນໍາສະເໜີບັນຫາກ່ຽວກັບ ການເງິນໃນການປະຕິບັດວຽກງານຕົວຈິ່ງໃຫ້ສອດຄ່ອງກັບລະບຽບຫຼັກການໄດ້;

- ການດໍາເນີນ ຜູ້ເຂົ້າສຶກສາຄົ້ນຄວ້າ ມີຄວາມສາມາດໃນການຄົ້ນຄວ້າວິໄຈທາງດ້ານປະລິມານ ແລະ ຄຸນນະພາບກ່ຽວກັບການເງິນ ເພື່ອເຮັດໃຫ້ການຄົ້ນຄວ້າຮັບຮູ້ວິຊາສະເພາະ, ສອດຄ່ອງກັບຄວາມຕ້ອງການຂອງຕະຫຼາດແຮງງານໃນປັດຈຸບັດກໍຄືອະນາຄົດ;

3) ດ້ານການນໍາໃຊ້

- ດ້ານການນໍາໃຊ້:​ ສາມາດນໍາໃຊ້ຄວາມຮູ້, ຄວາມສາມາດຮັບໃຊ້ວຽກງານດ້ານການເງິນໃນຂົງເຂດ ຫົວໜ່ວຍທຸລະກິດ, ພາກລັດ ແລະ ເອກະຊົນ;

- ວິເຄາະ ສາມາດນໍາໃຊ້ຄວາມຮູ້, ຄວາມສາມາດ ໃນການວິເຄາະບັນຫາຕ່າງໆ ທີ່ເກີດຂຶ້ນກ່ຽວກັບການເງິນ ເພື່ອຊອກຫາສາເຫດ ແລະ ສະເໜີວິທີການແກ້ໄຂໃຫ້ສອດຄ່ອງກັບລະບຽບ, ຫລັກການທີ່ກໍານົດໄວ້.

4) ດ້ານທັກສະທາງສັງຄົມ

- ປະຕິບັດ ຜູ້ທີ່ຮຽນຈົບຈະນໍາໃຊ້ຄວາມຮູ້ຂອງຕົນປະກອບສ່ວນເຂົ້າໃນການປະຕິບັດໜ້າທີ່ວຽກງານຮັບໃຊ້ສັງຄົມ ໃຫ້ສອດຄ່ອງກັບລະບຽບ, ກົດໝາຍ ເພື່ອຜົນປະໂຫຍດລວມຂອງສັງຄົມ;

- ສະແດງ ສາມາດໃນການພົວພັນ-ສື່ສານ ແລະ ເຮັດວຽກເປັນໝູ່ຄະນະເຂົ້າໃນການປະຕິບັດວຽກງານ ແລະ ການແກ້ໄຂບັນຫາທີ່ເກີດຂຶ້ນໃນຕົວຈິງໃຫ້ມີປະສິດທິພາບ, ຜັນຂະຫຍາຍທັກສະ ແລະ ຫຼັກການຮຽນຮູ້ຕະຫຼອດຊິວິດ ແລະ ການປະຕິບັດວຽກງານ, ໃຫ້ມີນໍ້າໃຈຮັກອາຊີບ ສົ່ງເສີ່ມການຖ່າຍທອດຄວາມຮູ້, ການແບ່ງປັນຄວາມຮູ້ໃນການພັດທະນາ ແລະ ຍົກລະດັບວິຊາການເງິນ ໃຫ້ແກ່ສັງຄົມ.

9. ເງື່ອນໄຂ ຂອງ ຜູ້ເຂົ້າສຶກສາ

ຕາມ​ຂໍ້​ກຳ​ນົດ​ວ່າ​ດ້ວຍ​ເງື່ອນ​ໄຂການ​ຮັບ​ເອົານັກ​ສຶກ​ສາ​ ທີ່​ທາງ​ສະຖາບັນການທະນາຄານ ວາງອອກ. ນັກຄົ້ນຄວ້າຈະຕ້ອງສຳເລັດການສຶກສາໃນລະດັບປະລິນຍາຕີ ໃນສາຂາວິຊາ ການເງິນ, ການທະນາຄານ ແລະ ສາຂາວິຊາອື່ນໆທີ່ກ່ຽວຂ້ອງ ໂດຍມີຄະແນນສະເລ່ຍສະສົມ 3.00 ຂຶ້ນໄປ; ສຳລັບນັກຄົ້ນຄວ້າທີ່ເປັນພະນັກງານທີ່ມີ ຄະແນນສະເລ່ຍສະສົມຕ່ຳ ກວ່າ 3.00 ແຕ່ອົງກອນມີແຜນກໍ່ສ້າງ ແມ່ນຕ້ອງມີປະສົບປະການໃນການເຮັດວຽກຢ່າງໜ້ອຍ 2 ປີ. ສ່ວນນັກສຶກສາທີ່ສຳເລັດການສຶກສາໃນລະດັບປະລິນຍາຕີ ໃນສາຂາວິຊາອື່ນໆນັ້ນຕ້ອງໄດ້ລົງທະບຽນຮຽນວິຊາຄວາມຮູ້ພື້ນ ຖານທີ່ຈໍາເປັນ ຂອງສາຂາການເງິນ ໂດຍບໍ່ໄດ້ນັບໜ່ວຍກິດເຂົ້າໃນຫຼັກສູດ.

10. ການຈັດຕັ້ງການຮຽນ-ການສອນ

ຫຼັກສູດລະດັບປະລິນຍາໂທ ການເງິນ-ການທະນາຄານ ສາຂາ ການເງິນ ເປັນຫຼັກສູດເປີດການຮຽນ-ການສອນເຕັມເວລາ 7-8 ຊົ່ວ ໂມງຕໍ່ມື້ ໃນວັນເສົາ ແລະ ວັນອາທິດ ແມ່ນເລີ່ມແຕ່ 8:00 ໂມງ ຫາ 12:00 ໂມງ ແລະ 13:00 ໂມງ ຫາ 17:00 ໂມງ.

ນອກຈາກການຈັດຕັ້ງການຮຽນການສອນທິດສະດີໃນຫ້ອງຮຽນແລ້ວ ຫຼັກສູດນີ້ຍັງມີຄວາມຈໍາເປັນໄປຄຽງຄູ່ກັບການຈັດກິດຈະກຳໄປທັດສະນະສຶກສາທັງພາຍໃນ ຫຼື ຕ່າງປະເທດຢ່າງໜ້ອຍໜຶ່ງຄັ້ງຕໍ່ໜຶ່ງຊຸດຮຽນ ເພື່ອໃຫ້ຜູ້ສຶກສາຄົ້ນຄວ້າໄດ້ເຂົ້າໃຈທັງພາກທິດສະດີ ແລະ ພາກຕົວຈິງໃຫ້ເລິກເຊິ່ງຕື່ມອີກ.

11. ໄລຍະເວລາການສຶກສາ

ຫຼັກສູດປະລິນຍາໂທ ການເງິນ-ການທະນາຄານລະກິດ ສາຂາ ການເງິນ ​ເປັນຫຼັກສູດ​ໃຊ້​ເວ​ລາ​ຮຽນ 2 ປີ, ຊຶ່ງ​ແບ່ງ​ອອກ​ເປັນ 4 ພາກຮຽນ ແລະ ສາມາດຮັກສາສະຖານະພາບເປັນນັກສຶກສາໄດ້ສູງສຸດ 1 ປີ (2 ພາກຮຽນ).

12. ເນື້ອໃນໂຄງສ້າງຂອງຫຼັກສູດ

12.1 ການກໍານົດ​ໜ່ວຍ​ກິດເຂົ້າ​ໃນ​ຫຼັກສູດ

ແບ່ງອອກເປັນ 3 ໜວດວິຊາ ດັ່ງນີ້:

1)      ວິຊາພື້ນຖານ                   2          ໜ່ວຍກິດ;

2)      ໝວດວິຊາບັງຄັບ:            28        ໜ່ວຍກິດ;

3)      ວິທະຍານິພົນ:                 14        ໜ່ວຍກິດ;

4)      ໝວດວິຊາເລືອກ:            4          ໜ່ວຍກິດ;         

ລວມໜ່ວຍກິດທັງໝົດແມ່ນ          48        ໜ່ວຍກິດ.

12.2 ການຈັດແບ່ງລາຍວິຊາຮຽນ ໃນແຕ່ລະໝວດວິຊາ

  1) ໝວດ​ວິ​ຊາບັງຄັບ

ໜວດວິຊາບັງຄັບໃນຫຼັກສູດປະລິນຍາໂທ ການເງິນ-ການທະນາຄານ ສາຂາ ການເງິນ ປະກອບມີ 48 ໜ່ວຍກິດຄື:

ກ. ໝວດ​ວິ​ຊາພື້ນຖານວິຊາສະເພາະ

ຂ. ໝວດ​ວິ​ຊາສະເພາະ

2) ໜວດຄົ້ນຄວ້າ ແລະ ວິທະຍານິພົນ (Thesis)

3) ໝວດ​ວິ​ຊາເລືອກ

ຜູ້ທີ່ສຶກສາໃນຫຼັກສູດການເງິນນີ້ ນອກຈາກຮຽນໃນວິຊາບັງຄັບ ແລະ ໜວດວິຊາສະເພາະແລ້ວ ນັກສຶກສາຍັງສາມາດເລືອກຮຽນໃນໜວດວິຊາເລືອກຈຳນວນ 4 ໜ່ວຍກິດ.