ຫຼັກສູດປະລິນຍາໂທ ສາຂາ: ການບັນຊີ Master of Accounting Program

1. ຊື່ຫຼັກສູດ

ພາສາລາວ:                    ຫຼັກສູດປະລິນຍາໂທ ສາຂາ  ການບັນຊີ

ພາສາອັງກິດ:                  Master of Accounting Program

2. ຊື່ປະກາສະນິຍະບັດ

ພາສາລາວ:                    ປະກາສະນິຍະບັດປະລິນຍາໂທ ສາຂາ ການບັນຊີ

ພາສາອັງກິດ:                  Master of Accounting

3. ໜ່ວຍງານຮັບຜິດຊອບ  

-    ສະຖາບັນການທະນາຄານ, Banking Institute

-    ພາກວິຊາການບັນຊີ ແລະ ການກວດສອບ : Accounting and Auditing Division,

ເບີໂທຕິດຕໍ່ :  856-021770916, ແຟັກ: 856-770967, 020 22221059  

4.  ປັດຊະຍາ

ຫຼັກສູດ​ທີ່ສ້າງຂຶ້ນແນໃສ່​​ເພື່ອສ້າງບຸກຄະລາກອນ​ໃຫ້ມີທັກສະ ແລະ ຄວາມຮູ້ຢ່າງເລິກເຊິ່ງທາງດ້ານ ການບັນຊີ ແລະ ການກວດສອບ ເພື່ອໃຫ້ກາຍເປັນນັກວິຊາການທີ່ເຂັ້ມແຂງທາງດ້ານຫຼັກການວິຊາການ, ສາມາດເປັນນັກການບັນຊີ-ການເງິນ ແລະ ນັກກວດສອບ, (ບັນຊີວິສາຫະກິດ ແລະ ບັນຊີທະນາຄານ) ສາມາດວິເຄາະປະເມີນຜົນການດໍາເນີນງານ, ການເຮັດທຸລະກໍາທາງການເງິນລວມເຖິງການລົງທຶນຕ່າງໆ.  ມີ​ຄຸນນະ​ທຳ, ຈະລິ​ຍະ​ທຳ, ຄວາມ​ຊື່​ສັດ ​ແລະ ຄວາມ​ຮັບຜິດ​ຊອບໃນການພັດທະນາ​​ອົງ​ກອນບໍ່ວ່າຈະປະກອບອາຊີບໃນພາກລັດ ຫຼື ເອກະຊົນ ລວມທັງ​ເປັນ​ຜູ້​ປະກອບ​ທຸລະ​ກິດ​ທີ່​ດີ​ໃນ​ສັງ​ຄົມ​ໄດ້, ຕອບສະໜອງຄວາມຮຽກຮ້ອງຕ້ອງການຂອງການພັດທະນາເສດຖະກິດ-ສັງຄົມ ແຕ່ລະໄລຍະ.

5. ຈຸດປະສົງ

                1)  ສະຖາບັນການທະນາຄານຈະກໍ່ສ້າງ ພະນັກງານ ດ້ານການບັນຊີ ແລະ ການກວດສອບ, ຜູ້ເຂົ້າສຶກສາ ປະລິນຍາໂທ ສາຂາ ການບັນຊີ ໃຫ້ໄປຕາມແນວທາງຂອງກະຊວງສຶກສາທິການ ແລະ ກີລາ ໂດຍສອດຄ່ອງຕາມເນື້ອໃນຂອງ 3 ລັກສະນະ ແລະ 5 ຫຼັກມູນການສຶກສາແຫ່ງຊາດ.

                2)  ​ເພື່ອກໍ່ສ້າງນັກສຶກສາຍົກລະດັບຄວາມຮູ້ທາງດ້ານທິດສະດີ, ການຈັດຕັ້ງປະຕິບັດຕົວຈິງ,ໃຫ້ຜູ້ເຂົ້າສຶກສາ ເພື່ອເປັນຄວາມຮູ້ນໍາໃຊ້ເຂົ້າໃນການປະກອບອາຊີບ, ມີແນວຄິດສ້າງສັນ,  ຮູ້ວິທີແກ້ໄຂບັນຫາກ່ຽວກັບວຽກງານການບັນຊີ ແລະ ການກວດສອບ.​

                3)  ຜູ້ເຂົ້າສຶກສາ​ທີ່​ຈົບ​ຈາກ​ສາຂາ​ນີ້ສາມາດ​ໄປ​ສຶກສາ​ຕໍ່​ສາຂາ​ທີ່​ກ່ຽວຂ້ອງ​ໃນ​ລະດັບ​ທີ່​ສູງ​ກວ່າ​ທັງພາຍ​ໃນ ​ແລະ ຕ່າງປະ​ເທດ.

6. ຄາດຫມາຍຜົນການຮຽນ

1) ດ້ານຄວມຮູ້

- ມີຄວາມຮູ້ຄວາມເຂົ້າໃຈເລິກເຊິ່ງກ່ຽວກັບການບັນຊີ, ການກວດສອບ ແລະ ຄວາມຮູ້ດ້ານການຄົ້ນຄວ້າໃນຂົງເຂດວຽກງານບັນຊີ.

- ເຊື່ອມໂຍງ ຜຸ້ເຂົ້າສຶກສາທີ່ຮຽນຈົບສາຂານີ້ສາມາດຕໍ່ຍອດການສຶກສາໃນລະດັບທີ່ສູງກວ່າໄດ້.

2) ດ້ານທັກສະ

- ສະແດງ ຜູ້ເຂົ້າສຶກສາ ສາມາດນໍາສະເໜີບັນຫາກ່ຽວກັບ ການບັນຊີ ແລະ ການກວດສອບໃນການປະຕິບັດວຽກງານຕົວຈິ່ງໃຫ້ສອດຄ່ອງກັບລະບຽບຫລັກການ.;

- ການດຳເນີນ ຜູ້ເຂົ້າສຶກສາມີຄວາມສາມາດໃນການຄົ້ນຄວ້າວິໄຈທາງດ້ານປະລິມານ ແລະ ຄຸນນະພາບກ່ຽວກັບການບັນຊີ ແລະ ການກວດສອບ ເພື່ອເຮັດໃຫ້ການຄົ້ນຄວ້າຮັບຮູ້ວິຊາສະເພາະ ສອດຄ່ອງກັບຄວາມຕ້ອງການຂອງຕະຫຼາດແຮງງານ;

3) ດ້ານການນໍາໃຊ້

- ດ້ານການນໍາໃຊ້:​ ສາມາດນໍາໃຊ້ຄວາມຮູ້, ຄວາມສາມາດຮັບໃຊ້ວຽກງານດ້ານບັນຊີໃນຂົງເຂດ ຫົວໜ່ວຍທຸລະກິດ, ພາກລັດ ແລະ ເອກະຊົນ;

- ວິເຄາະ ສາມານໍາໃຊ້ຄວາມຮູ້, ຄວາມສາມາດ ໃນການວິເຄາະບັນຫາຕ່າງໆ ທີ່ເກີດຂຶ້ນກ່ຽວກັບການບັນຊີ ແລະ ການກວດສອບ ເພື່ອຊອກຫາສາເຫດ ແລະ ສະເໜີວິທີການແກ້ໄຂໃຫ້ສອດຄ່ອງກັບລະບຽບ, ຫລັກການທີ່ກໍານົດໄວ້.

4) ດ້ານທັກສະທາງສັງຄົມ

-  ປະຕິບັດຜູ້ທີ່ຮຽນຈົບຈະນໍາໃຊ້ຄວາມຮູ້ຂອງຕົນປະກອບສ່ວນເຂົ້າໃນການປະຕິບັດໜ້າທີ່ວຽກງານຮັບໃຊ້ສັງຄົມ ໃຫ້ສອດຄ່ອງກັບລະບຽບ, ກົດໝາຍ ເພື່ອຜົນປະໂຫຍດລວມຂອງສັງຄົມ;

- ສະແດງ ມີສາມາດໃນການພົວພັນ-ສື່ສານ ແລະ ເຮັດວຽກເປັນໝູ່ຄະນະເຂົ້າໃນການປະຕິບັດວຽກງານ ແລະ ການແກ້ໄຂບັນຫາທີ່ເກີດຂຶ້ນໃນຕົວຈິງໃຫ້ມີປະສິດທິພາບ, ຜັນຂະຫຍາຍທັກສະ ແລະ ຫຼັກການຮຽນຮູ້ຕະຫຼອດຊິວິດ ແລະ ການປະຕິບັດວຽກງານ, ໃຫ້ມີນໍ້າໃຈຮັກອາຊີບ, ການແບ່ງປັນ, ການຖ່າຍທອດຄວາມຮູ້ ສົ່ງເສີມ, ພັດທະນາ ແລະ ຍົກລະດັບວິຊາຊີບການບັນຊີ ແລະ ການກວດສອບ ໃຫ້ແກ່ສັງຄົມ.

9. ເງື່ອນໄຂ ຂອງຜູ້ເຂົ້າສຶກສາ

ຕາມ​ຂໍ້​ກຳ​ນົດ​ວ່າ​ດ້ວຍ​ເງື່ອນ​ໄຂການ​ຮັບ​ເອົານັກ​ສຶກ​ສາ​ ທີ່​ທາງ​ສະຖາບັນການທະນາຄານ ວາງອອກ:

1.      ນັກສຶກສາທີ່ຮຽນຈົບປະລິນຍາຕີ ສາຂາ ການບັນຊີ, ການບັນຊີແລະກວດສອບ, ການເງິນ, ການທະນາຄານ ແລະ ການເງິນຈຸລະພາກ ທີ່ຍັງບໍ່ທັນມີປະສົບການໃນການເຮັດວຽກງານ ຕ້ອງມີຄະແນນ B ຂຶ້ນໄປ (ຄະແນນສະເລ່ຍສະສົມ);

2.      ນັກສຶກສາຈະຕ້ອງສຳເລັດການສຶກສາໃນລະດັບປະລິນຍາຕີ ໃນ ສາຂາວິຊາ : ການເງິນ, ການບັນຊີ, ການກວດສອບ, ໂດຍມີຄະແນນສະເລ່ຍສະສົມ 3,00 ຂຶ້ນໄປ. ສຳລັບນັກສຶກສາ ທີມີຄະແນນສະເລ່ຍສະສົມຕ່ຳກວ່າ 3,00 ແມ່ນຕ້ອງມີປະສົບປະການໃນການເຮັດວຽກຢ່າງໜ້ອຍ 2 ປີ.

3.      ສຳລັບພະນັກງານ ຜູ້ທີ່ຮຽນຈົບປະລິນຍາຕີໃນສາຂາວິຊາອື່ນໆ ທີ່ບໍ່ກ່ຽວຂ້ອງໂດຍກົງກັບວິຊາທີ່ຈະເຂົ້າສຶກສາ ຕ້ອງມີປະສົບການໃນການເຮັດວຽກທີ່ກ່ຽວຂ້ອງກັບສາຂາວິຊາທີຈະເຂົ້າສຶກສາ ຢ່າງໜ້ອຍ 3 ປີ ຂຶ້ນໄປ ແລະ ມີຄະແນນ C+ ຂຶ້ນໄປ (ຄະແນນຄະເລ່ຍສະສົມ) ແລະ ໄດ້ຮັບການອະນຸມັດຢ່າງເປັນທາງການ ຈາກກົມກອງ ທີ່ຜູ້ກ່ຽວສັງກັດຢູ່ໃນປັດຈຸບັນ;

4.      ນັກສຶກສາທີ່ສຳເລັດການສຶກສາລະດັບປະລິນຍາຕີ ທີ່ບໍ່ແມ່ນ ສາຂາ ການບັນຊີ, ການບັນຊີແລະກວດສອບ, ການເງິນ, ການທະນາຄານ ແລະ ການເງິນຈຸລະພາກ ຕ້ອງໄດ້ລົງທະບຽນຮຽນໝວດວິຊາພື້ນຖານ ທີ່ຈຳເປັນຂອງສາຂາວິຊາຫຼັກສູດລະດັບປະລິນຍາໂທ ໂດຍບໍ່ນັບໜ່ວຍກິດເຂົ້າໃນຫຼັກສູດດັ່ງກ່າວ;

5.      ນັກສຶກສາທີ່ຈະເຂົ້າຮຽນຕ້ອງໄດ້ຜ່ານການສອບເສັງ ແລະ ສຳພາດ ຄັດເລືອກຕາມລະບຽບການທີ່ ສທຄ ໄດ້ກຳນົດໄວ້ ຢ່າງເຂັ້ມງວດ;

10. ການຈັດຕັ້ງການຮຽນ-ການສອນ

ເປີດການຮຽນ-ການສອນ ບໍ່ເຕັມເວລາ 7-8 ຊົ່ວ ໂມງຕໍ່ມື້ ໃນວັນເສົາ ແລະ ວັນອາທິດ ແມ່ນເລີ່ມແຕ່ 8:00 ໂມງ ຫາ 12:00 ໂມງ ແລະ 13:00 ໂມງ ຫາ 17:00 ໂມງ.

ນອກຈາກການຈັດຕັ້ງການຮຽນການສອນ ແມ່ນຈະໄດ້ຈັດຕັ້ງແບບໂມດູນ ແລະ ຮູບແບບການຮຽນແມ່ນຮຽນເຊິ່ງໜ້າທັງໝົດໃນຫ້ອງຮຽນ ຫລື ຮຽນແບບປະສົມຄື : ຮຽນແບບເຊິ່ງໜ້າ ແລະ ຮຽນທາງໄກ.

11. ໄລຍະເວລາການສຶກສາ

​ໃຊ້​ເວ​ລາ​ຮຽນ 2 ປີ, ຊຶ່ງ​ແບ່ງ​ອອກ​ເປັນ 4 ພາກຮຽນ ແລະ ສາມາດຮັກສາສະຖານະພາບເປັນນັກສຶກສາໄດ້ສູງສຸດ 1 ປີ (2 ພາກຮຽນ).

12. ເນື້ອໃນໂຄງສ້າງຂອງຫຼັກສູດ

12.1 ການກໍານົດ​ໜ່ວຍ​ກິດເຂົ້າ​ໃນ​ຫຼັກສູດ

ແບ່ງອອກເປັນ 3 ໜວດວິຊາ ດັ່ງນີ້:

1)      ໝວດວິຊາບັງຄັບ:                        26        ໜ່ວຍກິດ

2)      ວິທະຍານິພົນ:                             16        ໜ່ວຍກິດ

3)      ໝວດວິຊາເລືອກ:                        04        ໜ່ວຍກິດ          

ລວມໜ່ວຍກິດທັງໝົດແມ່ນ          46        ໜ່ວຍກິດ

12.2 ການຈັດແບ່ງລາຍວິຊາຮຽນ ໃນແຕ່ລະໝວດວິຊາ

13.2.1. ລະຫັດວິຊາ

ລາຍວິຊາໃນຫຼັກສູດຈະມີລະຫັດນຳໜ້າຊື່ວິຊາໂດຍໃຊ້ແທນຕົວອັກສອນ,ຕົວເລກ ແລະ ມີຄວາມໝາຍດັ່ງນີ້ :

AAD ວິຊາທີ່ຮັບຜິດຊອບໂດຍ ພາກວິຊາການບັນຊີ ແລະ ການກວດສອບ (Accounting and Auditing Division)

  1) ໝວດ​ວິ​ຊາບັງຄັບ

ໜວດວິຊາບັງຄັບໃນຫຼັກສູດປະລິນຍາໂທ ສາຂາ ການບັນຊີ ປະກອບມີ 26 ໜ່ວຍກິດຄື:

ກ. ໝວດ​ວິ​ຊາພື້ນຖານວິຊາສະເພາະ

ຂ. ໝວດ​ວິ​ຊາສະເພາະ

2) ໜວດຄົ້ນຄວ້າ ແລະ ວິທະຍານິພົນ (Thesis)

3) ໝວດ​ວິ​ຊາເລືອກ

ຜູ້ທີ່ສຶກສາໃນຫຼັກສູດການບັນຊີ ນີ້ ນອກຈາກຮຽນໃນວິຊາບັງຄັບ ແລະ ໜວດວິຊາສະເພາະແລ້ວ ນັກສຶກສາຍັງສາມາດເລືອກຮຽນໃນໜວດວິຊາເລືອກຈຳນວນ 4 ໜ່ວຍກິດ.