ຫຼັກສູດປະລິນຍາໂທ ການເງິນ-ການທະນາຄານ ສາຂາ: ການທະນາຄານ

1. ຊື່ຫຼັກສູດ

ພາສາລາວ:                    ຫຼັກສູດປະລິນຍາໂທ ການເງິນ-ການທະນາຄານ

ສາຂາ:  ການທະນາຄານ

ພາສາອັງກິດ:                  Master of Finance and Banking Program

                                    Major: Banking

2. ຊື່ປະກາສະນິຍະບັດ

ພາສາລາວ:                    ປະກາສະນິຍະບັດປະລິນຍາໂທ ການເງິນ-ການທະນາຄານ

ສາຂາ: ການ​ທະນາຄານ    

ພາສາອັງກິດ:                  Master of Finance and Banking

                                    Major: Banking

3. ໜ່ວຍງານຮັບຜິດຊອບ         

ພາກວິຊາການທະນາຄານ ສະຖາບັນການທະນາຄານ

ເບີ​ໂທ​ຕິດ​ຕໍ່: 856- 021770916, ​ແຟັກ: 856 – 770967

ເບີໂທຜູ້ຮັບຜິດຊອບ: 020 92884441

4.  ປັດຊະຍາ

ເພື່ອສ້າງບຸກຄະລາກອນ​ໃຫ້ມີຄວາມຮູ້, ຄວາມສາມາດ ແລະ ທັກສະທາງດ້ານວຽກງານທະນາຄານ ເພື່ອ ໃຫ້ກາຍເປັນນັກວິຊາການທີ່ມີຄວາມເຂັ້ມແຂງທາງດ້ານຫຼັກວິຊາການ, ສາມາດວິເຄາະປະເມີນຜົນການດໍາເນີນງານ, ການເຮັດທຸລະກໍາທາງທະນາຄານ ລວມເຖີງການລົງທຶນຕ່າງໆ,​ ສາມາດວິໄຈ ແລະ ປະຍຸກໃຊ້ເທັກໂນໂລຊີໄດ້ຢ່າງ   ເໝາະສົມ ຕອບສະໜອງຄວາມຮຽກຮ້ອງຕ້ອງການຂອງການພັດທະນາເສດຖະກິດ-ສັງຄົມ ແຕ່ລະໄລຍະ.

5. ຈຸດປະສົງ

1)      ເພື່ອສ້າງບຸກຄະລາກອນທີ່ສາມາດປະຕິບັດໜ້າທີ່ຕ່າງໆຢ່າງມີຄຸນນະ​ທຳ, ຈະລິ​ຍະ​ທຳ, ຄວາມ​ຊື່​ສັດ ​ແລະ ຄວາມ​ຮັບຜິດ​ຊອບ ໂດຍສອດຄ່ອງຕາມເນື້ອໃນຂອງ 3 ລັກສະນະຊາດ ແລະ 5 ຫລັກມູນການສຶກສາແຫ່ງຊາດ;

2)      ເພື່ອສ້າງບຸກຄະລາກອນທີ່ມີຄວາມຮູ້, ຄວາມສາມາດ ແລະ ທັກສະທາງດ້ານວຽກງານທະນາຄານ, ການຄຸ້ມຄອງ ແລະ ບໍລິຫານທະນາຄານ ເພື່ອໃຫ້ກາຍເປັນນັກວິຊາການທີ່ເຂັ້ມແຂງທາງດ້ານຫຼັກວິຊາການ;

3)      ເພື່ອສ້າງບຸກຄະລາກອນທີ່ສາມາດເຮັດວິໄຈ ແລະ ປະຍຸກໃຊ້ເທັກໂນໂລຊີໄດ້ຢ່າງເໝາະສົມ ຕະຫຼອດຈົນສາມາດເຜີຍແຜ່ຜົນງານວິຊາການໄດ້ເພື່ອເປັນພື້ນຖານໃນການສຶກສາຕໍ່ໃນລະດັບສູງຂື້ນ.

6. ຄາດຫມາຍຜົນການຮຽນ

Ø  ດ້ານຄວາມຮູ້:

-    ມີຄວາມຮູ້, ຄວາມສາມາດ, ທັກສະໃນການບໍລິຫານທາງດ້ານທະນາຄານ ແລະ ມີຄວາມຮູ້ທາງດ້ານທັກສະພາສາອັງກິດ, ອະທິບາຍທິດສະດີ, ຫຼັກການທາງດ້ານການບໍລິຫານທະນາຄານໄດ້ຢ່າງຊຳນານເພື່ອໃຫ້ມີຄວາມສອດຄ່ອງກັບສະພາບການພັດທະນາເສດຖະກິດໃນຍຸກຂອງການເຊື່ອມໂຍງກັບພາກພື້ນ ແລະ ສາກົນ;

-    ພັດທະນາຄວາມຮູ້ດ້ານວິຊາສະເພາະເພື່ອໃຫ້ແທດເໝາະກັບການປະຕິບັດໜ້າທີ່ວຽກງານ ແລະ ການປະກອບກິດຈະການຢ່າງມີປະສິດທິພາບ.

Ø  ດ້ານທັກສະ:

-    ໄດ້ຮຽນຮູ້ ກ່ຽວກັບບໍລິຫານທະນາຄານ, ສາມາດເປັນມືອາຊີບໄດ້ໃນການບໍລິການ ແລະ ສາມາດເຮັດວຽກພາຍໃນ ແລະ ຕ່າງປະເທດທາງດ້ານການທະນາຄານ. ນຳໃຊ້ເຕັກໂນໂລຍີຂໍ້ມູນຂ່າວສານ ແລະ ພາສາຕ່າງປະເທດເຂົ້າໃນການປະຕິບັດໜ້າທີ່ວຽກງານ, ສົ່ງເສີມການບໍລິຫານທະນາຄານແບບມືອາຊິບ;

-    ດໍາເນີນການຮຽນຮູ້ຕະຫຼອດຊີວິດ, ສື່ສານຢ່າງມີປະສິດທິພາບໃນການນໍາສະເໜີແນວຄວາມຄິດທັງປາກເປົ່າ ແລະ ການຂຽນ ເຂົ້າໃນການເຮັດວຽກເປັນໝູ່ຄະນະໃນອົງການຈັດຕັ້ງຂອງຕົນ.

Ø  ດ້ານການນໍາໃຊ້:

-    ສາມາດນໍາຄວາມຮູ້ ປະກອບອາຊີບດ້ວຍຕົນເອງ ຫຼື ເປັນລູກຈ້າງໃນຫົວໜ່ວຍທຸລະກິດທັງພາຍໃນ ແລະ ຕ່າງປະເທດ. ນຳໃຊ້ທິດສະດີການບໍລິຫານທະນາຄານເຂົ້າໄປໃນການປະຕິບັດໜ້າທີ່ວຽກງານຕົວຈິງຢ່າງມີປະສິດທິພາບ;

-    ດໍາເນີນການຄົ້ນຄວ້າດ້ານວິຊາການ ແບບປະລິມານ ແລະ ຄຸນນະພາບ ໃນຫົວຂໍ້ການບໍລິຫານທະນາຄານໄດ້ຢ່າງຄ່ອງແຄ້ວ ແລະ ມີວິທະຍາສາດໃນລະດັບທີ່ແນ່ນອນ;

-    ວິເຄາະບັນຫາທາງດ້ານທະນາຄານທີ່ຊັບຊ້ອນຢ່າງມີຫຼັກການເພື່ອໃຫ້ສອດຄ່ອງ ແລະ ທັນກັບສະພາບແວດລ້ອມທີ່ມີການປ່ຽນແປງໃໝ່ໃນແຕ່ລະໄລຍະ.

Ø  ດ້ານທັກສະທາງສັງຄົມ:

-    ສາມາດເຮັດວຽກເປັນທີມງານໄດ້ໃນການບໍລິຫານທະນາຄານ ຮ່ວມກັບອົງການຫົວໜ່ວຍທຸລະກິດໄດ້ ແລະ ປະເມີນຄວາມຫຼາກຫຼາຍຂອງບັນຫາທາງດ້ານບໍລິຫານທະນາຄານໃຫ້ແກ່ພາກລັດ ແລະ ເອກະຊົນ ຢ່າງມີຈັນຍາບັນ ແລະ ມີຄວາມຮັບຜິດຊອບສູງຕໍ່ໜ້າທີ່ວຽກງານ ແລະ ສັງຄົມ;

-    ປະຕິບັດໜ້າທີ່ຢ່າງມີມະນຸດສໍາພັນດີ, ປົກປັກຮັກສາວັດທະນະທໍາ ແລະ ຮີດຄອງປະເພນີອັນດີງາມຂອງຊາດ.

7. ເງື່ອນໄຂຂອງຜູ້ເຂົ້າສຶກສາ   

ຕາມ​ຂໍ້​ກຳ​ນົດ​ວ່າ​ດ້ວຍ​ເງື່ອນ​ໄຂການ​ຮັບ​ເອົານັກ​ສຶກ​ສາ​ ທີ່​ທາງ​ສະຖາບັນການທະນາຄານວາງອອກ.

1)      ນັກສຶກສາຈະຕ້ອງສຳເລັດການສຶກສາໃນລະດັບປະລິນຍາຕີ ໃນສາຂາວິຊາ ການທະນາຄານ ຫຼື ສາຂາວິຊາເສດຖະກິດຕ່າງໆ ໂດຍມີຄະແນນສະເລ່ຍສະສົມ 3.00 ຂຶ້ນໄປ;

2)      ສຳລັບພະນັກງານທະນາຄານ,​ ສະຖາບັນການເງິນທີ່ບໍ່ແມ່ນທະນາຄານ ຫຼື ພາກສ່ວນຕ່າງໆ ແມ່ນຕ້ອງຈົບໃນລະດັບປະລິນຍາຕີ ແລະ ມີປະສົບປະການໃນການເຮັດວຽກຢ່າງໜ້ອຍ 2 ປີຂື້ນໄປ;

3)      ຖ້າເປັນພະນັກງານຕ້ອງໄດ້ຮັບອານຸຍາດ ແລະ ເຫັນດີ ຈາກກົມກອງທີ່ຕົນສັງກັດຢູ່;

4)      ມີຄວາມຮູ້ພາສາອັງກິດໃນລະດັບດີ, ຮູ້ນໍາໃຊ້ຄອມພິວເຕີຢ່າງຄ່ອງແຄ້ວ ສາມາດຄົ້ນຫາຂໍ້ມູນຂ່າວສານ ເພື່ອຮອງຮັບການສຶກສາດ້ວຍຕົນເອງ.

8. ການຈັດຕັ້ງການຮຽນ-ການສອນ

ຫຼັກສູດປະລິນຍາໂທການເງິນ-ການທະນາຄານ ສາຂາ ການທະນາຄານ ເປັນຫຼັກສູດຈັດຕັ້ງການຮຽນ-ການສອນ ໃນວັນເສົາ ແລະ ວັນອາທິດ ຮຽນ 8 ຊົ່ວໂມງຕໍ່ມື້ ໂດຍເລີ່ມແຕ່ 8:00 ໂມງ ຫາ 12:00 ໂມງ ແລະ 13:00 ໂມງ ຫາ 17:00 ໂມງ. 5 ເຖິງ 7 ຊົ່ວໂມງ ຕໍ່ມື້. ອາທິດໜຶ່ງ ຮຽນ 5 ມື້ ຄື ວັນຈັນ ເຖິງ ວັນສຸກ ເວລາ 17:00 ໂມງ ຫາ 20:30 ໂມງ ລວມມີ 16 ອາທິດ ຕໍ່ ໜຶ່ງພາກຮຽນ.

9. ໄລຍະເວລາການສຶກສາ

ຫຼັກສູດປະລິນຍາໂທການເງິນ-ການທະນາຄານ ສາຂາ ການທະນາຄານ ​ເປັນຫຼັກສູດ​ໃຊ້​ເວ​ລາ​ຮຽນ 2 ປີ, ຊຶ່ງ​ແບ່ງ​ອອກ​ເປັນ 4 ພາກຮຽນ ແລະ ສາມາດຮັກສາສະຖານະພາບເປັນນັກສຶກສາໄດ້ສູງສຸດ 1 ປີ (2 ພາກຮຽນ).

10. ເນື້ອໃນໂຄງສ້າງຂອງຫຼັກສູດ

10.1 ການກໍານົດ​ໜ່ວຍ​ກິດເຂົ້າ​ໃນ​ຫຼັກສູດ

ແບ່ງອອກເປັນ 3 ໜວດວິຊາ ດັ່ງນີ້:

1)      ໝວດວິຊາບັງຄັບ:            25        ໜ່ວຍກິດ

2)      ວິທະຍານິພົນ:                 17        ໜ່ວຍກິດ

3)      ໝວດວິຊາເລືອກ:            4          ໜ່ວຍກິດ          

ລວມໜ່ວຍກິດທັງໝົດແມ່ນ          46        ໜ່ວຍກິດ

03.2 ການຈັດແບ່ງລາຍວິຊາຮຽນ ໃນແຕ່ລະໝວດວິຊາ

  1) ໝວດ​ວິ​ຊາບັງຄັບ

ໜວດວິຊາບັງຄັບໃນຫຼັກສູດປະລິນຍາໂທການເງິນ-ການທະນາຄານ ສາຂາ ການທະນາຄານ ປະກອບມີ 25 ໜ່ວຍກິດຄື:

ກ. ໝວດ​ວິ​ຊາພື້ນຖານວິຊາສະເພາະ

ຂ. ໝວດ​ວິ​ຊາສະເພາະ                                       

2) ໜວດຄົ້ນຄວ້າ ແລະ ວິທະຍານິພົນ (Thesis)

3) ໝວດ​ວິ​ຊາເລືອກ

ຜູ້ທີ່ສຶກສາໃນຫຼັກສູດປະລິນຍາໂທການເງິນ-ການທະນາຄານ ສາຂາການທະນາຄານ ນີ້ ນອກຈາກຮຽນໃນວິຊາບັງຄັບ ແລະ ໜວດວິຊາສະເພາະແລ້ວ ນັກສຶກສາຍັງສາມາດເລືອກຮຽນໃນໝວດວິຊາເລືອກ ຈຳນວນ 4 ໜ່ວຍກິດ.