ບໍລິສັດເບຍລາວ ມອບເຄື່ອງຊຸກຍູ້ ສະຖາບັນການທະນາຄານ



ໃນຕອນແລງຂອງວັນທີ 14 ກັນຍາ 2016 ທີ່ສະຖາບັນການທະນາຄານ ໄດ້ຈັດພິທີມອບ-ຮັບເຄື່ອງອຸປະຖຳລະຫວ່າງ ບໍລິສັດ ເບຍລາວ ຈຳກັດ ແລະ ສະຖາບັນການທະນາຄານ. ຊຶ່ງຕາງໜ້າໃຫ້ຝ່າຍບໍລິສັດ ເບຍລາວ ຈໍາກັດ ກ່າວມອບໂດຍ ທ່ານ ກໍລະກົດ ມະຫາຍໍ ຕົວແທນບໍລິສັດເບຍລາວຈຳກັດແລະ ຕາງໜ້າຝ່າຍ ສະຖາບັນການທະນາຄານ ກ່າວຮັບໂດຍ ທ່ານ ນາງ ດວງດີ ພິມວົງສາ ຫົວໜ້າສະຖາບັນການທະນາຄານ.

ໃນການມອບ-ຮັບເຄື່ອງອຸປະຖຳໃນຄັ້ງນີ້, ປະກອບມີ ຜະລິດຕະພັນນໍ້າຫວານແປັບຊີ, ນໍ້າດື່ມຫົວເສືອ, ຈອກແກ້ວ ແລະ ຄັນຮົ່ມ ເຊິ່ງເຄື່ອງອຸປະຖຳທັງໝົດນີ້ ແມ່ນຈະໄດ້ນໍາໄປປະກອບສ່ວນເຂົ້າໃນການປະຕິບັດວຽກງານຂອງສະຖາບັນການ. ໃນຕອນທ້າຍ, ທ່ານ ນາງ ດວງດີ ພິມວົງສາ ໄດ້ກ່າວສະແດງຄວາມຂອບໃຈ ຕໍ່ບໍລິສັດເບຍລາວ ຈໍາກັດ ທີ່ຍາມໃດກໍ່ໃຫ້ການຊຸກຍູ້ບັນດາກິດຈະກຳ ແລະ ການເຄື່ອນໄຫວວຽກງານຂອງສະຖາບັນການທະນາຄານເລື້ອຍມາ.